ՄԵՐ ՄԱՍԻՆ

Մենք երազում ենք, ստեղծում ենք, կիսում ենք...

Ո՞վ ենք մենք

«Նորք» սոցիալական ծառայությունների տեխնոլոգիական և իրազեկման կենտրոն» հիմնադրամը Հայաստանում առաջատար տեխնոլոգիական կենտրոն է, որն իրականացնում է պետական և մասնավոր ոլորտի տեղեկատվական և հեռահաղորդակցական տեխնոլոգիաների ենթակառուցվածքների ներդրում և սպասարկում: Մեր կողմից սպասարկվող տեղեկատվական համակարգերի միջոցով շուրջ 1,109,493 ակտիվ շահառու ստանում է ծառայություններ ՀՀ սոցիալական պաշտպանության ոլորտում։

Ե՞րբ ենք հիմնադրվել

Մենք հիմնադրվել ենք 2001-ին: 20 տարի առաջ ՀՀ կառավարության որոշմամբ ՀՀ աշխատանքի և սոցիալական հարցերի նախարարության ենթակայությամբ ստեղծվեց մի կառույց, որը սոցիալական աջակցության տեղեկատվական շտեմարանների սպասարկման եւ շահագործման բնագավառում կլիներ վստահելի՝ հաղորդակցության ոլորտում իրականացնելով պետական և մասնավոր ոլորտների կազմակերպությունների համար թվային գործիքների ներդնում և սպասարկում:

Ի՞նչ ծառայություններ ենք մատուցում

«Նորք» տեխնոլոգիաների կենտրոնը նախագծում և մշակում է տեղեկատվական համակարգեր, նոր հարթակներ և վեբկայքեր, ինչպես նաև իրականացնում դրանց ամբողջական սպասարկումը։ Մեր կողմից նախագծվել և մշակվել են ՀՀ սոցիալական պաշտպանության ոլորտում ներկայումս շահագործվող 15 տեղեկատվական համակարգերը, ՀՀ ԱՍՀՆ, ինչպես նաև նրա առանձնացված ստորաբաժանումների պաշտոնական 7 վեբկայքերը, պետական և միջազգային մակարդակի տարատեսակ հարթակներ։ Կենտրոնն ապահովում է ՀՀ աշխատանքի և սոցիալական հարցերի նախարարության աշխատակազմի, նրա կառուցվածքային և առանձնացված ստորաբաժանումների մարզային ու տարածքային մարմինների շուրջ 13000 կտոր համակարգչային և հարակից տեխնիկայի սպասարկումը հանրապետության ողջ տարածքում։

Ովքե՞ր են մեր շահառուները

Հայաստանի Հանրապետության բոլոր քաղաքացիներն են։

Մեր կողմից սպասարկվող շուրջ 15 տեղեկատվական համակարգերի միջոցով ՀՀ սոցիալական պաշտպանության ոլորտի 1 միլիոնից ավելի ակտիվ շահառուներ ստանում են արագ, թափանցիկ, ճշգրիտ թվային ծառայություններ։